Ceremonia për të njohur zyrtarisht pavarësinë e Kishës Ortodokse të Ukrainës po zhvillohet në Turqi. Ceremonia do shënojë një ndarje historike nga Kisha Ruse.
Patriarku Ekumenik, Bartolomeu i Konstandinopojës, që është kreu i Kishës Ortodokse Botërore, do nënshkruajë në Stamboll një dokument që pranon “autoqefalinë” ose pavarësinë e kishës ukrainase.
Ky dekret, ose siç njihet “tomos”, do ti dorëzohet kishës ukrainase më 6 janar, duke përfunduar edhe ceremoninë dy-ditore.
Presidenti ukrainas Petro Poroshenko mori pjesë në ceremoninë e kishës në Stamboll përpara nënshkrimit.
Dokumenti formalizon një njoftim që u bë në tetor. Ky veprim provokoi një reagim të furishëm në Rusi, ku Kisha ka ndërprerë lidhjet, duke thelluar një ndarje me Kishën Ortodokse mbarëbotërore.
Kishat e Ukrainës për shekuj me radhë kanë qenë nën autoritetin e udhëheqësve të Kishës Ortodokse Ruse në Moskë.
Vendimi mund të çojë gjithashtu në një përçarje të përhershme në lëvizjen globale ortodokse, raporton BBC.
Zbulohet laboratori i drogës në podrumin e një banese në Pri...
Goditet një laborator i drogës në Prishtinë, Sveçla thotë se...
Islami: E gjithë kjo iniciativë e Serbisë është luftë për do...
Vrasja në Aktash/ Paneli për Lirim me Kusht kishte vendosur ...
Hasani në OKB, pritet firmosja e marrëveshjeve për liberaliz...
Profesori serb: Politika e Millosheviqit është rikthyer në S...